Cando alguén produce unha obra de calquera tipo, incluídos apuntes, artigos educativos, debuxos ou imaxes, non necesita rexistrala de ningunha maneira para ter a propiedade intelectual sobre ela, e polo tanto unha serie de dereitos, incluído o beneficio económico por copias ou transformacións.
Pode pasar, non obstante, que a algúns autores non lles importe que outras persoas utilicen as súas obras e as modifiquen, pedindo simplemente que os citen ou poñendo algunha condición máis. Para indicar este feito utilízanse as licencias Creative Commons que teñen unhas iconas representativas que podedes ver no seguinte enlace:
Cando buscamos material para as nosas clases en Internet, debemos fixarnos si o ficheiro, o blog ou a páxina web ten algunha destas iconas ou indica que é posible usalo, en caso contrario o correcto sería pedir permiso antes de descargalo ou copialo.
Ao facer unha busca avanzada, Google permítenos filtrar os resultados por licencia e tamén hai sitios que nos proporcionan directamente recursos deste tipo:
Si os alumnos usan contidos de internet para os traballos, sería bo que lle indicaramos onde atopar recursos CC xunto coa necesidade de citar sempre as fontes.
No hay comentarios:
Publicar un comentario