Presentacións SlideShare con audio

No seguinte artigo do ITE explican como incorporar audio ou vídeo ás presentacións de SlideShare:

Cortar vídeos de youtube

Xa sabemos como insertar vídeo no blog desde youtube ou como baixalo ao noso ordenador con videoscop; outras ferramentas na nube que me parecen moi útiles son SnipSnip e Splicd, que nos permiten cortalo directamente a partir da url para aproveitar a parte que nos interesa publicar.

Se queremos un verdadeiro editor de vídeo, do estilo de Windows Movie Maker ou Openshot pero online, podemos probar JayCut
Manual de JayCut

Publicar presentacións

Algunhas veces nós ou os nosos alumnos facemos presentacións con PowerPoint ou con Impress e interésanos publicalas para que se reproduzan nun blog, wiki ou páxina web. Xa coñecemos servicios como Slideshare, MyPlick ou GoogleDocs que permiten subirlas e xeneran un código para insertar ou nos dan unha dirección para facer o enlace. Cada un admite un tamaño determinado e non gardan transicións, animacións nin sons (aínda que algúns sitios permiten engadir audio desde o ordenador ou desde a web). Si os rapaces non teñen conta de correo para rexistrarse, MyPlick pode ser unha boa opción porque non se necesita. No seguinte artigo J.C. Cruz fai un resumen dos mellores sitios:

Publicar presentacións en internet 

Si algún non admite as odp de Impress recordade que este programa permite gardar como ppt ou pps de PowerPoint.

Outra opción moi interesante é converter a presentación nun vídeo:

• Impress permite exportar directamente a swf (flash) pero non garda transicións nin sons. Aínda así pode ser interesante xa que ocupa moito menos que o arquivo orixinal e pode subirse en menos tempo a GDocs.
• PowerPoint 2010 permite exportar directamente a wmv que é un formato de Windows, así poderíamos subilo a GDocs e facer o enlace ou publicalo no blog directamente. A veces é conveniente pasalo antes a outro formato máis lixeiro como flv e para iso podemos usar un programa como FormatFactory si traballamos en Windows, WinFF de Ubuntu ou un servicio online como Online-Convert, que admite ata 100 Mbyte e non necesita rexistro.
• Para outras versións de PowerPoint hai conversores gratuítos como PowerPoint Video Converter.

En calquera caso penso que non debemos olvidar que nas aulas Abalar temos que traballar con Impress e non é moi complicado que os propios alumnos suban as presentacións a unha das plataformas xa comentadas, aínda que logo vos manden a url ou o código para insertala no blog de clase (cunha wiki faríano facilmente eles mesmos). Si todos traen da casa os arquivos en wmv posiblemente vós lle teríades que adicar moito tempo á publicación e eles non se farían conscientes do importante que é facer presentacións racionais, sin esaxerar o número de diapositivas, imaxes ou efectos.

Baixar vídeo de internet

Moitas veces atopamos vídeos ou animacións interesantes para poñer na clase e, si non queremos depender da rede para traballar con eles, podemos baixalos ao noso ordenador ou a un pendrive:

• Coa páxina www.bajaryoutube.com . Moi útil para os vídeos de youtube, faise directamente sin instalar nada no ordenador.
• Coa extensión DownloadHelper de Mozilla Firefox. Ao instalala crea un icono no navegador que nos permite baixar vídeos e animacións.

Un bon reproductor gratuíto é VLC, que reproduce casi calquera formato de vídeo.

Si vos interesa como cambiar os formatos de vídeo ou audio podedes consultar unha entrada do meu blog dos alumnos: cambio de formatos de vídeo.