Xeitos de traballar na aula

Cada materia é distinta e pode que teña unha metodoloxía axeitada que cada profesor coñece e aplica según a súa experiencia, os alumnos ou os medios cos que conta. Ata agora non podíamos usar moitas máis cousas que o libro de texto, vídeos ou audio e, puntualmente, recursos da aula de informática. O feito de ter ordenadores sempre na clase ofrécenos moitas oportunidades e, cada un de nós, deberá reflexionar sobre a conveniencia e o xeito de usalos.
Moitas veces falamos sobre os libros, as editoriais e o esforzo que supón elaborar material educativo, e quero mostrarvos uns exemplos:

Libro dixital 1    Non me gusta moito, prefiro ter un libro na man que ler un tema en pdf, e menos nunha pantalla de 10". Facer referencia ao peso das mochilas para xustificalo non é correcto, os netbook non son e-reader con tinta dixital e o problema de espalda dos nenos trasladaríase aos ollos. É verdade que lle engaden actividades e vídeos pero é un xeito pechado e dirixido de traballar.

Actividades dixitais 2    Isto (da mesma editorial) é un xeito de complementar as nosas clases que non exclúe o libro de texto e outros xeitos de traballo.

Libro dixital 3   Coma o anterior pero máis visual. Non está mal pero non como xeito único de traballo nas aulas. 

Penso que podemos usar libros, material propio ou recursos feitos por outros profes, pero sempre que sexa posible, sería bo que os alumnos tamén investiguen e elaboren cousas coas ferramentas informáticas. Gústame o que fai o profesor Domingo Méndez por exemplo, usando un aula virtual Moodle xunto cun blog no que publica os traballos e comentarios dos seus alumnos:

Aula Virtual (entrar como invitado)

Blog de aula

Tamén o que fai Alberto Armada nas aulas abalar coas ferramentas Edmodo e GDocs:

A materia (5º primaria)

Si estades interesados no tema dos "libros dixitais" botádelle unha ollada ao artigo de Jordi Adell:

Carta a los editores de libros de texto

Os "nativos dixitais"

Navegando por aí atopei un artigo de Proyecto Grimm co que estou de acordo:

Los nativos digitales no existen

Non debemos esquecer que saber darlle a unhas teclas non implica saber interpretar unha melodía. 

Os alumnos poden estar máis familiarizados co uso lúdico dun ordenador ou cun móbil pero iso, na maioría dos casos,  non supón que saiban empregalos como ferramentas de aprendizaxe. O estar no Tuenti ou no Facebook  non os prepara para usar a rede de xeito responsable. Internet é unha fonte inesgotable de datos pero hai que saber seleccionalos e usalos con sentido crítico. Pode que os profes nos teñamos que poñer ao día coas máquinas pero somos nós os que sabemos a onde queremos chegar con elas e cales son os mellores camiños. A tecnoloxía vai a ir cambiando cada vez de xeito máis rápido e tal vez nuns anos nin sequera fagan falta portátiles, pero ter unha cabeza "ben amoblada", saber onde está a información e ser responsables ao usala será algo sempre necesario, e os pais e profesores temos moito que ensinarlles ao respecto.

Aplicación do servidor de centro

O servidor que temos no centro pódese utilizar para gardar recursos interactivos (como os de Espazo Abalar) e tamén documentos, imaxes e outros arquivos nosos que lle queiramos pasar aos alumnos sin ter que recurrir ás contas de correo ou a poñelos nunha web. Só tede en conta que o acceso faise unicamente desde o centro e que non debemos usalo como un "almacén privado".
Os Asesores Abalar fixeron un manual moi completo da aplicación que nos permite subir e xestionar os nosos recursos. No seguinte enlace tedes unha pequena parte:

Como subir e catalogar recursos

Imaxe de Ubuntu Abalar

Xa temos un dvd coa imaxe do ordenador de aula abalar. Vaivos a permitir traballar na casa sin ter que instalar ou cambiar nada. Cando arranquedes con el veredes o mesmo que nas aulas abalar, podedes probar os programas (tamén o do encerado dixital) e navegar, pero ao apagar o ordenador e sacar o disco aparece o voso Windows de sempre. Só tede en conta que todo irá un pouco máis lento e non poderedes gardar nada do que fagades nesa sesión, salvo ficheiros nunha memoria usb (hai outros xeitos que podemos ver máis adiante si vos gusta traballar así).
Para usalo:

• Metemos o dvd no lector e reiniciamos windows.
• Cando se vexa un cadro azul asegurádevos de que está marcada a primeira liña: live-boot the live System
• Aparece a ventá do usuario profesor para poñer a contrasinal. Antes de aceptar fixádevos na barra inferior, que vos vai a permitir escoller idioma e tamén ter o escritorio Gnome (como nas aulas de informática pero azul) ou o Netbook Edition (cos menús na esquerda).
• Apágase normalmente e sácase o dvd cando o pida.

Si non funciona probade a pulsar F11 cando está arrancando para indicarlle que debe facelo desde o dvd e, si esto non o soluciona, habería que cambiar a secuencia de arranque na Bios.

Aplicacións nos miniportátiles

Cando empezamos co obradoiro vimos as aplicacións que veñen no ordenador de aula. Como nos miniportátiles non están as mesmas, deixovos unhas imaxes dos menús por si vos interesa profundar nalgunha:

Miniportátiles

Videotitoriais dos miniportátiles

No IES Daviña Rey de Monforte de Lemos fixeron uns videotitoriais estupendos que podedes poñer na clase para que vexan os alumnos:

Capítulo 0: A primeira ollada
Capítulo 1: Ficheiros e cartafoles
Capítulo 2: Administrar cartafoles
Capítulo 3: A papeleira do lixo
Capítulo 4: Traballar coa memoria usb
Capítulo 5: Quitar ficheiros da memoria usb. Descomprimir
Capítulo 6: Renomear a memoria usb
Capítulo 7: Abrir arquivos pdf
Capítulo 8: Comprimir arquivos e cartafoles

Almacenamento online

Estes servizos ofrécennos un espazo de almacenamento para os nosos arquivos que ten moitas vantaxes:

• Podemos usalo para gardar copias de seguridade.

• Temos acceso aos nosos arquivos desde calquera ordenador conectado a internet, evita o ter que levar sempre unha memoria usb.

• Permite compartir o que teñamos gardado con outra xente, así non temos que mandar por email arquivos grandes, basta con mandar un enlace (ou poñelo nunha web ou nun blog).

Seguro que cando os probedes lle atopades outras posibilidades.

Os que eu utilizo son:

Dropbox:

ofrece 2GB de almacenamento gratuíto. Hai que instalar unha aplicación que crea unha carpeta no ordenador onde simplemente arrastras os ficheiros que queres subir. É moi útil cando tes mais dun ordenador porque non importa desde cal subas os arquivos, él sincronízase automaticamente.

Box.Net:

ofrece 5GB gratuítos e non hai que instalar nada no ordenador.Permite crear documentos online de xeito parecido a GDocs. Podemos ter carpetas nas que colaboren distintas persoas.

A biblioteca do IES de Fene

Hoxe tiven curso Abalar e recoñezo que o tema - as bibliotecas- non me atraía en absoluto. Despois dun par de horas, nas que a xefa de estudos do IES de Fene nos contou como tiñan organizada a súa, quedei impresionada polo traballo que fan.
Aparentemente parece que a lectura non se debería levar moi ben coas TIC, como si unha fora a competencia da outra; pois neste centro conseguiron integralas perfectamente e usan os blogs e outras ferramentas da web 2.0 para fomentar, non só a lectura entre os alumnos, senón tamén o desenvolvemento doutras capacidades como a expresión escrita, o uso doutras linguas, o traballo colaborativo... Parece que a biblioteca é o núcleo dinamizador do centro, e os ordenadores axudan a isto facendo que os rapaces sexan protagonistas. Pensei que me apetecería ser alumna dese instituto (profesora non, que son demasiadas as horas que inverten).

Presentación da biblioteca.

Blog da biblioteca

Blog do club de lectura de pais e profes

Blog do club dos rapaces (escríbeno eles)

A radio

Usan dúas ferramentas que non coñecía e que me parecen interesantes:

Librería virtual

Creador de enquisas con QuizRevolution

Tamén usan dipity para que os alumnos fagan cousas tan chulas como estas:

Mark-Twain

TICS con sentido

Fonte: Asesores Abalar

Para empezar coa PDI

Modelos de uso de la pdi

View more presentations from adultoszamora.

Ferramentas 2.0

A páxina que vos indico no enlace é practicamente un curso sobre as ferramentas da web 2.0. Aínda que está pensada para os idiomas  é válida e moi recomendable  para calquera materia. Cun vistazo á parte esquerda do sitio xa podedes escoller a ferramenta na que profundizar:


Herramientas y recursos de la web 2.0 para idiomas


Sacado de Educación Tecnológica