scribblemaps

Unha ferramenta moi boa para debuxar ou incluir puntos de interés nun mapa. Además de publicar o resultado, tamén permite gardalo como unha imaxe:

Vía @educacontic

Sigala e iTALC

Xa temos actualizados os portátiles de primeiro e tal vez vos interesen dúas novas ferramentas: SIGALA e iTALC.

A primeira utilízase para facer un grupo cos alumnos (todos os da clase ou unha parte), e poder intercambiar ficheiros con eles directamente, a través dun novo cartafol que vos aparece na carpeta do profesor. Tamén se poden intercambiar carpetas pero antes hai que comprimilas. Pódese usar para proporcionarlles apuntes, exercicios..., e para recoller os traballos que eles fagan.

iTALC é unha aplicación que vos permitirá ver os escritorios dos alumnos desde o voso portátil, bloquealos ou mandarlles mensaxes. Execútase a partir de Sigala polo que temos que ter un grupo creado para empezar a traballar.

A continuación déixovos eslaces aos manuais feitos polos asesores:

Manual de Sigala

Manual de iTALC

Mapas persoalizados con Google

Os mapas de Google non só nos ofrecen a posibilidade de visualizalos senón que podemos facer rutas sobre eles, colocar puntos de interese con información (texto, imaxes ou vídeos), ou marcar determinadas zonas que queiramos destacar. Paréceme un recurso interesante para as clases e por iso fixen unha proba co roteiro de A esmorga; usando a información do Concello de Ourense que me mandou Marina, en pouco máis de media hora saíu este mapa no que imos a traballar as dúas a partir de agora:



Ver A esmorga en un mapa más grande

Para ver máis:

Viaxe de Darwin

II Guerra Mundial

Callejero literario monfortino  (nov.2011)

Arte público en Valdespartera

Un titorial moi sinxelo:

Mapas personalizados

Vistas dinámicas en Blogger

Temos un xeito novo de ver os blogs de Blogger; con só engadir /view á url, e escoller o tipo de vista, mirade como se presentan:

flipcard

mosaic

timeslide

snapshot

sidebar

WebQuest

As webquest son actividades que propoñen unha tartefa aos alumnos para a que é necesario que busquen, analicen e procesen información de internet, seguindo unhas pautas dadas polo profesor e usando uns recursos concretos.
Permiten traballar os contidos da materia e ao mesmo tempo usar as TIC dun xeito distinto, xa que os alumnos actúan como investigadores e desenvolven capacidades de crítica e síntese sobre a información atopada na rede. O papel do profesor tamén cambia con esta metodoloxía, pasando de ser transmisor a diseñador e guía da aprendizaxe.

Técnicas de uso educativo de Internet - ZENquests

Técnicas de uso educativo de Internet - ZENquests from Raúl Reinoso

Hai moitos exemplos de webquest para cada materia e tamén podedes animarvos a facer as vosas. 

Uns titoriais útiles son os seguintes:

Taller de webquest

Curso webquest do ITE

Un exemplo do profe Juan Pablo Fernández Abuín é:

El doping en el deporte
Plantillas

Para buscar  material:

Biblioteca de WebQuest

php webquest
WebQuest online (recopilación abalagoas)

popplet

Na mesma liña que glogster está a ferramenta popplet, que ao rexistrarnos permítenos acceder a unha especie de encerado no que podemos ir pegando contidos en forma de texto, imaxes, debuxos, vídeos...Pode ser útil para facer unha galería de fotos, unha presentación e incluso mapas conceptuais. Una vez rematado xenera unha url que podemos poñer no blog ou exportamos o traballo como pdf ou jpg.
Na súa páxina principal ten un pequeno vídeo que vos pode dar unha idea das posibilidades

Visto en Educación Tecnológica

Test online (2)

Ademais de daypo, outra páxina moi útil para facer test online é testmoz, na que nin sequera fai falta rexistrarnos, unicamente poñer unha contrasinal para poder entrar de novo como administradores e ver a análise dos resultados. Podemos facer preguntas de verdadeiro e falso, resposta múltiple ou completar, e cando rematamos xenera unha url para poñer no blog.
Unha cousa que me parece moi útil é que da a opción de engadir un código que os alumnos deben poñer para ter acceso ao test, isto permite poñer exames ou probas a través da rede e ter os resultados inmediatamente.

Visto no blog de Teresa Mancebo

Audacity

Audacity é un programa que permite editar e gravar sons, e ofrece moitas posibilidades para usalo nas clases, sobre todo nas de linguas e música.
Para practicar podedes consultar os seguintes enlaces:

Taller con videotitoriais

Guía básica de Alfonso A. Vegas

Prácticas de Audacity

Tede en conta que a versión que temos nas aulas Abalar é a 1.3, que ten lixeiras direrencias coa dos titoriais (1.2)

As wikis

14 formas de usar una wiki en el aula

View more presentations from -.

As wikis permiten a publicación sencilla de contidos e poden ser unha alternativa ou un complemento aos blogs, según as necesidades de cada profesor. A diferencia deles os contidos non se organizan temporalmente se non en páxinas, e o habitual é que moitos usuarios podan editalas co permiso do administrador, gardándose un historial coa intervención de cada membro. Si xustificamos que a nosa wiki é educativa Wikispaces permite que rexistremos ata 100 membros sin necesidade de correo electrónico e incluso deixa facela só visible para eles. Esto pode se útil para que os propios alumnos publiquen os seus traballos nas páxinas ás que o profesor de acceso.

Exemplo 1: wiki de Tecnoloxía

Exemplo 2: wiki de Plástica

Exemplo 3: wiki de Inglés

Eduwikis de secundaria (en Aulawiki21)

Titorial de wikispaces de Xurxo Cobelas

Titorial de Wikis máis extenso 

Curso: as wikis como instrumento educativo

Publicar presentacións

Algunhas veces nós ou os nosos alumnos facemos presentacións con PowerPoint ou con Impress e interésanos publicalas para que se reproduzan nun blog, wiki ou páxina web. Xa coñecemos servicios como Slideshare, MyPlick ou GoogleDocs que permiten subirlas e xeneran un código para insertar ou nos dan unha dirección para facer o enlace. Cada un admite un tamaño determinado e non gardan transicións, animacións nin sons (aínda que algúns sitios permiten engadir audio desde o ordenador ou desde a web). Si os rapaces non teñen conta de correo para rexistrarse, MyPlick pode ser unha boa opción porque non se necesita. No seguinte artigo J.C. Cruz fai un resumen dos mellores sitios:

Publicar presentacións en internet 

Si algún non admite as odp de Impress recordade que este programa permite gardar como ppt ou pps de PowerPoint.

Outra opción moi interesante é converter a presentación nun vídeo:

• Impress permite exportar directamente a swf (flash) pero non garda transicións nin sons. Aínda así pode ser interesante xa que ocupa moito menos que o arquivo orixinal e pode subirse en menos tempo a GDocs.
• PowerPoint 2010 permite exportar directamente a wmv que é un formato de Windows, así poderíamos subilo a GDocs e facer o enlace ou publicalo no blog directamente. A veces é conveniente pasalo antes a outro formato máis lixeiro como flv e para iso podemos usar un programa como FormatFactory si traballamos en Windows, WinFF de Ubuntu ou un servicio online como Online-Convert, que admite ata 100 Mbyte e non necesita rexistro.
• Para outras versións de PowerPoint hai conversores gratuítos como PowerPoint Video Converter.

En calquera caso penso que non debemos olvidar que nas aulas Abalar temos que traballar con Impress e non é moi complicado que os propios alumnos suban as presentacións a unha das plataformas xa comentadas, aínda que logo vos manden a url ou o código para insertala no blog de clase (cunha wiki faríano facilmente eles mesmos). Si todos traen da casa os arquivos en wmv posiblemente vós lle teríades que adicar moito tempo á publicación e eles non se farían conscientes do importante que é facer presentacións racionais, sin esaxerar o número de diapositivas, imaxes ou efectos.

Test online

A través de Marina coñezo esta páxina moi útil para facer test con preguntas de resposta múltiple, verdadeiro e falso, emparellamento ou reposta libre. É moi sobria pero permite configurar o tempo, indicar as solucións e danos unha estatística dos resultados. Cando facemos un test podémolo imprimir e tamén xenera un enlace para que os alumnos o fagan online. Na súa páxina podedes ver exemplos coma este:

Test de léxico de A sombra descalza

Test de verbos

Wiki ultraportátiles Abalar

A profesora Esther Padín fixo unha wiki xenial para axudarnos no manexo dos ultraportátiles. Non só explica o contido de cada menú se non que inclúe titoriais das diferentes aplicacións. Fixádevos nos apartados de Ciencia e Educación por si algunha delas vos resulta útil.

Taller de podcast

As actividades nas que os alumnos fan gravacións da súa voz son moi interesantes, sobre todo para as linguas. Os arquivos sonoros poden, por exemplo, formar parte dunha presentación ou ser utilizados independentemente para subilos á rede e compartilos.

En Internet en el aula crearon un grupo para facer podcast educativos que nos pode ser de axuda:

Taller de podcast

Fonte: ticblog

Para crear os nosos recursos

En educ@contics móstrannos algunhas aplicacións que nos permiten facer os nosos propios recursos para as clases. Parécenme particularmente interesantes as primeiras, que son online e fáciles de usar.

Actividades educativas, si no las encuentras...¡Créalas!

Google Reader

A estas alturas de obradoiro xa tedes localizadas moitas páxinas e blogs de outros profes que vos resultan interesantes. É posible que de vez en cando entredes en todos eles para ver si hai algunha novidade, e iso supón perder bastante tempo.

Google Reader permite evitar iso xa que funciona como unha especie de buzón no que as páxinas ou blogs aos que nos subscribimos ou seguimos, van deixando as novidades. Deste xeito entrar en Reader periodicamente evita ter que facer un "barrido" polos nosos sitios favoritos.

Pequeno titorial de Reader

Google Docs

GDocs é unha ferramenta estupenda para crear documentos, presentacións, follas de cálculo ou cuestionarios. Ven a ser como un pequeno OpenOffice ou Microsoft Office pero online, non temos que ter o programa no noso ordenador. Ademáis proporciónanos espazo para almacenar os traballos, permite que subamos arquivos feitos no noso ordenador e deixa que baixemos os que creamos con el, permitindo escoller o formato.

Tamén nos da a opción de publicalos, xenerando unha url ou un código para insertar nun blog ou nunha web e, o máis importante, podemos deixar que outros usuarios (alumnos, outros profesores...) colaboren con nós para facer un traballo en equipo.

Os Asesores Abalar fixeron dous manuais que vos poden axudar:

GoogleDocs

Formularios con GDocs

Tamén podedes consultar nas seguintes páxinas:

GoogleDocs

Curso de aulaclic

Axuda de GDocs

Almacenamento online

Estes servizos ofrécennos un espazo de almacenamento para os nosos arquivos que ten moitas vantaxes:

• Podemos usalo para gardar copias de seguridade.

• Temos acceso aos nosos arquivos desde calquera ordenador conectado a internet, evita o ter que levar sempre unha memoria usb.

• Permite compartir o que teñamos gardado con outra xente, así non temos que mandar por email arquivos grandes, basta con mandar un enlace (ou poñelo nunha web ou nun blog).

Seguro que cando os probedes lle atopades outras posibilidades.

Os que eu utilizo son:

Dropbox:

ofrece 2GB de almacenamento gratuíto. Hai que instalar unha aplicación que crea unha carpeta no ordenador onde simplemente arrastras os ficheiros que queres subir. É moi útil cando tes mais dun ordenador porque non importa desde cal subas os arquivos, él sincronízase automaticamente.

Box.Net:

ofrece 5GB gratuítos e non hai que instalar nada no ordenador.Permite crear documentos online de xeito parecido a GDocs. Podemos ter carpetas nas que colaboren distintas persoas.

Ferramentas 2.0

A páxina que vos indico no enlace é practicamente un curso sobre as ferramentas da web 2.0. Aínda que está pensada para os idiomas  é válida e moi recomendable  para calquera materia. Cun vistazo á parte esquerda do sitio xa podedes escoller a ferramenta na que profundizar:


Herramientas y recursos de la web 2.0 para idiomas


Sacado de Educación Tecnológica

Os blog: Blogger e WordPress

Dos mesmos autores que o curso de OpenOffice é este sobre blogs, moi claro e interesante.

Os blogs en educación

No obradoiro imos a traballar con Blogger e explicareivos as cousas básicas para empezar a usalo. O curso podédelo utilizar como material de consulta, non é para que o vexades todo.

Kit básico para usar as TIC nas aulas

No blog Educa con TIC aparece esta entrada que me parece moi interesante:

Kit básico para utilizar  TIC